English French German Italian Portuguese Russian Spanish
  datario
GIO 20
GENNAIO
 
jonio
Breaking
Jonio
18/01/2022 17:40:14 VACCARIZZO A./SINDACO RINGRAZIA ASP E VOLONTARI SONO 31 I CASI DA ACCERTARE     29/12/2021 14:08:00 Vaccarizzo Albanese - Domenica 16 gennaio 2022 nuovo vax day     09/03/2021 16:12:28 Acri: Le occasioni formative dell’Istituto Falcone     13/02/2021 19:56:03 «Solo 89 comuni calabresi superano il 65% di raccolta differenziata»     13/02/2021 19:52:52 Cassano Jonio: Garofalo “Verità sui casi di tumori nel Comune“  
txtRICERCA
 
 
 
 
 
 

Reclame
 
 

POESIA DI DOMENICO TERENZIO DEDICATA A CORIGLIANO
 lunedì 28 marzo 2016 09:33
POESIA DI DOMENICO TERENZIO DEDICATA A CORIGLIANO Stu pajisielli tant’anni fe
Ppi tutta a Calabria gera nu richjiemi
Cche’ ci su neti Attori e lettereti
Eppuri Sambrancischi si cce firmeti

Tanti chi lle’ pijaciuti a chistu santi
Ca nu cummienti ni ccia fravicheti
All’acquanova l’acqua na purteti
E ddi nu pizzi a nautri nu ponti cia’ garmeti

Miracoli nna fatti a tutt’a genti
Ppi prutettori nuva n’ami pijeti
Na festa ranna cche’ ciam’annuminati

A Festa i ri vinticinchi ami chjiameta
Na festa canisciuta a tutti i stati
Adduvi i curhjianisi su sbarcheti
I chistu santi meji sani scurdeti

Quanti bancarelli cche ci su passeti
Chjini i jiuchi , pricienni e di zuccheri fileti
Quanta genti a statua accarizzava
E a cchilla bandiera quanti sordi spilleti

Quanti bambuli a ra casa purteti
quanti fru fru’ ccu ri fucili ami spareti
quanti guagnuni belle ami guardeti

Quanta genti a chilli tavuli assittati
Quanti matrimoniji si ciani cumbineti
Quanti nchjianati e scisi,quanti mmutteti
Adduvi u Combattenti ni ci mangiavimij u gileti

Quanti passeva ru santi Ppi ra streta
ccu ra banda i ra musica e ra ggenta chi ghirreva:“ebbiva a ru viecchji ebbiva a San Mbrancischi“
Intanti u cantanti cuminceva a canteri

Ntra ghjiesjia tutti quanti a r ’ aspitteri
ppi lli vaseri a canna,ppu saluteri
Ghillu ghera cuntienti i supra l’arteri
E ppu ccu na prighiera a grazzija lli circheva

St’anni mi se’ ca u Santi è curriveti
ca na brutta nutizjia llani purteti
I vinticinchi tra pochi su arriveti
E chista festa nissuni ha pripareta

Sambrancischi s’è misi e a ragiunati
U nne’ ca ccu sta crisa i mija sani scurdeti
Ge a stu pajisi un c’è rimasti nenti
S’u’ feni sta festa su proprij fitenti

Tanti chi si cce’ mortificato
È jiu i ru muri e s’è affacceti
A bisti palazzi magazzini ville e chesi
E tutta vira a campagna fina a greti

Ma quanti machini e ddi moti i streti streti
A Genta tutta bella intolettata
No cchiu’ cu ru quazuni arripizzeti
Ddiji ricimi tu adduvi eji sbagghieti

Suni tanti l’anni ca su passeti
I quanni a Curghjeni sugni arriveti
A terra eji biniritti e tutti cce’ ju reti
E mo i sta festa ranna sani scurdeti


Domenico Terenzio Presidente della Pro loco città di Corigliano Calabro
    COMUNICATO STAMPA
Visualizza in pdf
 

 
 
 
#Poesia #Domenico Terenzio #Corigliano #Pro Loco #Presidente
 
QR-Code
Copyright © 2014-2022 Corigliano Informa Tutti i diritti riservati. Direttore editoriale Giacinto De Pasquale
Accesso Riservato Powered by by Giovanni Gradilone